Hasina huat, Prof Yunus tan tu tam

Khawvel mi langsar tak tak 170 chuangte chuan Bangladesh prime minister Sheikh Hasina chu Nobel laureate Muhammad Yunis ‘tiduhdah’ tawh lo turin an gnen.
Prof Yunus hi khawvel chuan ‘mirethei te banker’ tia hriat niin tun hnaiah thubuai tam tak siamsak niin siamsak belh leh tumna a awm bawk.
Open letter an tihchhuahah Prof Yunus beih chu democracy beihna tluka an ngaih thu an sawi a. Bangladesh PM Hasina thung chuan kum 83-a upa Yunus chu ram dang hruaitute amah pui tura ngenah a puh thung.
Hasina chuan international expert tena Prof Yubus laka legal proceedings kalpuia sawi an neih chu lawmawm a tih thu erawh a sawi thung a.
Khawthlang ram tena Prof Yunus hmalak dan fak em ema microloans a kalpui dan hahipa an sawi laiin Hasina chuan Pof Yunus chu ‘mipuite hmelma’ tiin a sawi thung.
Hasina chuan Prof Yunus chu Grameen Bank chuan interest rate sang uchuak lain miretheite ‘thisen dawttu’ tiin a sawi ve thung.
Grameen bank hi kum 1983 khan Prof Yunus bul tan niin sum tam vak lo hun rei tak rulh theiha sumdawnna tan theihna tur miretheite hnena pechhuak thin a ni. A kalpui dan chuan khawvel deng chhuakin kum 2006 khan Prof Ynus leh Grameen Bank chu Nobel Peace Prize hlanin a awm zui a ni.
Bangladesh PM Hasina hnena lehkhathawntu zingah hian US Secretary of State hlui Hillary Clinton, Virgin Group founder Richard Branson leh U2 lead singer Bono te pawh an tel a. Prof Yunus dan changchawia tihduhdah zui reng chu titawp turin an ngen a.
“A hnathawh ropui tak te, nghaisakna tel lova a chhunzawm reng theih kan beisei a ni,” tiin an sawi.
Mi tam tak chuan Prof Yunus chuan kum 2007 khan khatih laia caretaker sorkar sipaite thlawp hmangin political party din a tum an ti a, chu chuan Hasina khatih laia lung ina khunga awm mek chu a tithinur hle tia sawi a ni.
Mahse Prof Yunis chuan chu ruahmanna chu kalpui chhunzawm lovin politics chu ‘a tuina a ni hlawl lo’ a ti zui thung.
Kar kalta khan Grameen Telecom-a hnathawk hlui 18 te chuan job benefit an dawn tur pe duh lovah puhin thubuai an siamsak a. August 22 pawh khan thil dang daih labour law bawhchhiaah court hmaah a inlan tawh bawk.
Thla li hnu lekah Bangladesh chuan inthlanpui a hmachhawn dawn thung a, chutah chuan inthlanna felfai leh thianghlim awm se tia au nasat hle a ni mek bawk.
Kum 2011 khan Bangladesh central bank chuan Grameen Bank hotu lawk a nihna chu kum 60 a pel tawh tiin a nawr chhuak lui bawk tawh a.
Kum 2013 khan thuneitute chuan Prof Yunus chu ram pawn lam atanga a sum lakluhah chhiah a awl ru an ti bawk a, hei hi a Noble Prize award dawng leh a lehkhabu atanga royalty a dawn te atanga hlawkna a neih chungchang sawina anga ngaih a ni.
Mahse Prof Yunus lawyer Abdullah Al-Mamun chuan an puhna te chu dawt leh engmah behchhan nei lo sorkarin a tihtir tiin a sawi ve thung.
Ali Riaz, Illinois State University a political scientist chuan Hasina chuan khawvel huapa Prof Yunus hmingthatna chu ‘thuk takin a hua’ tiin a sawi thung a.
Mi thenkhatte chuan Hasina chuan Prof Yunus chuan a pa thi tawh Sheikh Mujibur Rahman, Bangladeshi tam tak tena an ngaihdan em em leh an ram independence sual chhuaktu leh kum 1975 a tihhlum tak chu lar lamah a khum a hlau tiin an sawi.
Hasina sorkar chuan Prof Yunus chu nasa taka beizui zelin hei vang hian democratic principle chu dinhmun derthawngah dahin a awm phah tiin Prof Riaz chuan a sawi.
“Prof Yunus lakah rang leh chak tak takin thubuai ziahluh a ni a, a chungchang rang tak taka ngaihtuah a ni thin hian dikna lailan chu thiltum berah a nei lo tih a lang a. An tum ber chu entir nana hman niin a lang,” tiin Prof Riaz chuan a sawi bawk.
“Hetiang anga hmalakna hi Bangladesh-ah chuan ni tinin opposition activists leh sorkar sawiseltute laka chetlak dan a ni,” tiin Prof Riaz chuan a sawi zui bawk.