Milan-ah Zo hnam lam

Consul General of India, Milan Italy leh North East Institute of Fashion Technology (NEIFT) tangdun buatsaih ‘North East India Festival’ Milan Italyah September 9 hian neih a ni dawn a. Indian Council for Cultural Relations, Ministry of External Affairs sawm leh tirhin Mizo hnam lam hrang hrang, zai leh rimawi entir turin Senhri Folk & Cultural Troupe, Art & Culture department an kal dawn.
Mizoram Troupe chauh hi he programme-ah hian North East State hrang hrang aiawha lam tura sawm an ni a. Ningani zan khan India chhuahsanin Italy an pan a, September 13-ah India panin an rawn haw leh ang.
He programme-a Mizo thalaite an tel theihna tura hma laksaktu chief minister chungah Art & Culture department chuan lawmthu a sawi a ni.