Central atangin nuai 53000 chuang kan hai chhuak tawh – Robert Romawia

Sports & Youth Services department kaltlangin sawrkar laipui scheme leh corporate social responsibility kaltlangin cheng nuai 53000 chuang an haichhuak tawh tih minister Robert Romawia Royte chuan a sawi.
Mizoram Civil Services Sports & Cultural Association buatsaih 34th MCS Association Annual Sports Meet 2023-2024 (Phase-I) hmanpuitu Sports minister chuan an department-ah budget tlemte nei chungin sawrkar laipui scheme hrang hrang leh CSR kaltlangin cheng nuai 53000 chuang an haichhuak tih a sawi a. Mizoram sawrkarin sports policy tha tak a duan chhuah thu leh sports chu industry chhawr nahawm tak a nih tawh thu sawiin, hrileng karah infiammiten theihtawp an chhuah a. North East level mai nilo, national level thlengin mahni tualzawla intihsiakna anga ngaia hlawhtlinna an chang thin chu chhuanawm a tih thu a sawi a ni.
Covid-19 vangin kum hnih chhung annual plan-a dah thlap tawh, sum hmuh tur anga ngaih, hloh tak cheng vaibelchhe 2600 chuang a awm tih a sawi a. Covid-19 avanga sum hmuh chu cheng vaibelchhe 70 chuang hret a ni tih a sawi. Hemi avanga harsatna hrang hrang tawh karah sawrkar chuan theihtawp chhuahin mipui rawngbawl hna leh hmasawnna ruhrel siam hna a thawk zel tih a sawi a ni.