2023 CMA Awards Nominations-ah Lainey Wilson a langsar ber
2023 CMA Awards Nominations-ah Lainey Wilson a langsar ber
2023 CMA Awards Nominations an puang a, Lainey Wilson-i’n nomination pakua neiin, a langsar ber a, nikum khan nomination paruk neiin, nomination-a langsar ber a lo ni tawh bawk. Wilson hi nikum kha CMA Awards nomination-a a lan vawi khatna niin, tihian CMA history-ah nomination-a lan hmasak kum hnih chhunga nomination-a langsar ber ni ve ve thei awm chhun a la ni.
Lainey Wilson hi CMA history-ah tum khata nomination pakua chin nei thei zaithiam palina a ni a, 1970-a nomination 9 nei Merle Haggard, 2002-a nomination 10 nei Alan Jackson leh 2010 leh 2014-a nomination pakua ve ve nei thei Miranda Lambert te hnung a zui ve ta a ni.
Kumin nomination-ah hian Wilson hian ‘single of the year’-ah nomination pahnih a nei a, tun kum 13 chhunga he category-a tum khata nomination pahnih nei thei awm chhun a ni a, a hla ‘Heart Like a Truck’ leh HARDY a feature-na ‘wait in the truck’ avangin nominate a ni.
Jelly Roll pawh a vawi khat nan CMA Awards nominations-ah a lang a, nomination panga neiin, nomination ngahah Wilson dawttu a ni a, Luke Combs leh HARDY te pawhin nomination pali ve ve an nei bawk.
Kumin hian award ngaihhlut entertainer of the year category-ah hmeichhe pahnih an lang a, tun kum li chhung chu a zawnin he category-ah hian hmeichhe pahnih an lan telna a ni ta a, kumin hian Carrie Underwood leh Lainey Wilson te nominate an ni. A hmalam kum thum chhung khan Underwood leh Miranda Lambert te nominate an lo ni tawh bawk.
Entertainer of the year category-ah hian Luke Combs pawh a lang leh a, ani hian 2021 leh 2022-ah he award hi a dawng zawn tawh a,Chris Stapleton pawh a tum sarih nan he category-ah hian nominate ni lehin, Morgan Wallen pawh a kum zawnin nominate a ni ta.
Album of the year category-ah hmeichhe lam an langsar leh a, Wilson, McBryde leh Kelsea Ballerini te chu he category-ah hian nominate an ni a, Wilson, Lambert leh Maren Morris te hi nikumah pawh he category-ah hian nominate an ni tawh bawk.. He category-a mipa lang te chu Luke Combs leh Morgan Wallen te an ni.
Miranda Lambert hi female vocalist of the year-ah nominate a ni a, he category-ah hian tum 17 nomination-a a lanna a ni ta a, Little Big Town pawh a tum 18 nan vocal group of the year-ah an lang ve leh a, Brooks & Dunn pawh a tum 24 nan vocal duo of the year-ah nominate an ni leh ta bawk.
57th annual CMA Awards hi Luke Cryan leh Peyton Manning ten an host dun dawn a, award hi November ni 8-ah Bridgestone Arena, Nashville-ah an sem dawn a ni.