India chu Bharat tia thlak a ni ang ti

West Bengal Senior BJP leader Dilip Ghosh chuan September 10 khan India chu Bharat tia thlak a ni ang a, Kolkata a foreigners statues te chu thenfai a ni ang tiin a sawi bawk.
Medinipur MP chuan Bharat tia ram hming thlak duh lo apiang te chuan ram an chhuahsan thei ang tiin a sawi bawk.
Kharagpur city-a ‘Chai pe Charcha’ programme a thusawina a neihah BJP national vice president chuan, “West Bengal-ah kan party in chakna kan chan hunah chuan Kolkata a foreigner statues tinte kan paih bo vek ang” tiin a sawi a.
“India chu Bharat tia thlak a ni ang a. A duh lo zawngte chuan ram an chhuahsan thei ang” tiin a sawi bawk.
Trinamool Congress thupuangtu Santanu Sen chuan BJP te chuan ‘issue pawimawh tihdal tuma chet lain Opposition INDIA alliance an hlauh em vang a ni’ tiin a sawi a.
Opposition party intelkhawm Congress kaihhruai te chuan Indian National Developmental Inclusive Alliance (INDIA) dinin nakum Lok Sabha poll-ah BJP te paihthlak an tum dawn a ni.