Ni 15 chhungin dan zawm lo lirthei 125 man hman

Ni 15 chhungin dan zawm
lo lirthei 125 man hman
District Transport Office Aizawlin September thla chanve chhungin dan zawm lo lirthei khalhtu 120 chuang an mante atangin cheng nuai 5 chuang an chawitir.
DTO Aizawl hnuaia Enforcement staff-te chuan September 1-8 chhung khan e-challan hmanga lirthei man paruk an nei a, dan bawhchhia lirthei man hrim hrim 60 awmin, Motor Vehicle Act hmanga sum an chawi tir tlingkhawm chu Rs. 2,92,000 a ni.
September 9-15 chhung khan e-challan hmangin mi pathum an man a, an sum chawi hi a vaiin Rs. 80000 a ni. Lirthei man zat 65 a awm a, dan bawhchhia MV Act hmanga sum chawi tir zat chu Rs. 2,30,000 a ni.
September thla chanve chhunga lirthei khalhtu dan zawm lo man 125 awmin an sum chawi tlingkhawm chu Rs. 522,000 a ni.
Dam bawhchhia an man hi document fel lo leh overload ang chi, Motor Vehicle Act hrang hrang zawm kim lo an ni a. Sum chawi hi sawrkar sum revenue-ah a lut a ni.
DTO Aizawl hotute chuan pullution certificate nei lo an tam nia sawiin, PUCC (Pollution Under Control Certificate) chu motor checking neihin lirthei khalhtuten an keng tel ngei tur a ni tih an sawi a. Mi hnen atanga lirthei leichhawngtute chuan an lei atanga ni 15 chhungin document tulte anmahni hminga thlak fel turin an chah.
Late fee ngaihdam a nih chhung, 2023 December 31 ral hma in lirthei documents leh license thi tifel vek turin lirthei neitu leh khalhtute an ngen a ni.