Tuichawng-ah candidate nih inchuh

Tuichawng bialah MNF candidate nih tumin RM Chakma leh DD Chakma te’n theihtawp an chhuah mek a, an inchuh na hle tih thu dawn a ni.
Tuichawng bial hi Chakma Autonomous District Council (CADC) huam chhunga mi a ni a, MNF sorkar mekna a ni.
CADC inthlan hnuhnung berah MNF-in bial 10 an la a, Congress party leh BJP-in bial nga ve ve an la. Mahse Congress leh BJP a\anga MDC tling mi pali ve vein party chhuahsanin MNF an zawm a, MDC 18 neiin MNF an sorkar mek.
MNF sorkara an CEM RM Chakma chu Tuichawng biala din tum, party a\anga chhuak thei dinhmunah a ding nia sawi a ni a, DD Chakma pawh hi bial a chang lo a nih chuan chhuak thei dinhmunah a ding ve tho nia sawi a ni.
Thu dawn danin, RM Chakma hi a chhuak a nih chuan MDC tam zawk a chhuahpui ang a, CADC-a sorkarna siam thei khawp a chhuahpui thei turah ngaih a ni. A chhuak a nih chuan ZPM-a lut tura ngaih a ni a, ZPM bak luhna tur a nei lovah ngaih a ni.
Tuichawng biala ding tur hi Congress party-in an tifel tawh a, BJP-in an tifel tawh bawk. Chuvangin RM Chakma hi MNF a\anga a chhuak a nih chuan ZPM-ah candidate ni turin a lut turah ngaih a ni tih thu dawn a ni.
Tuichawng bialtu ni mek Dr BD Chakma (BJP) chuan din a tum tawh lo thu a lo sawi tawh a, minister hlui Nirupam Chakma chu he biala BJP candidate ni tura ngaih a ni.