Commerce & Industries minster, MIFCO chairman ni bawk Dr R Lalthangliana chuan Nilaini khan Chhingchhipa Mizoram Food and Allied Industries Corporation Ltd. (MIFCO) hmun a tlawh.
Minister chuan MIFCO thei tui sawrna hmun, Fruit Juice Concentrate Plant tlawhin helai hmun tih changtlun zel dan tura hmachhawp chu thawktute a sawipui. Kuthnathawktuten sum an lakluh theihna tur, an thei thar chhuah man man zawka an hralh theih nana sawngbawlna hmun tura buatsaih a nih angin, bahlah awm lo, thei tui quality tha tak, a leitute tan pawha lei man awm tak siam reng a nih theih nan tan lak a tul, tiin, chumi atana thawktu leh khawl mamawh dan a endik a ni.
MIFCO thei tui sawrna hmunah hian lakhuihthei leh sapthei leiin a tui an sawr thin a. Mipui hnena hralh chhuah turin squash-ah an siam a ni. Chhingchhip leh a chhehvel khaw hrang hrangah loneitute thar lakhuihthei leh sapthei leikhawmin, Fruit Juice Concentrate Plant atang hian squash hi ni khatah um 300 vel an siam thin. Kumtin metric ton 10-15 vel chu Sikkim lamah an thawnchhuak thin a ni.
MIFCO thei tur sawrna tlawh
Get real time updates directly on you device, subscribe now.
Prev Post