Taylor Swift-i’n National Voter Registration Day-a vote thlak turin Swifties-te a fuih

a fuih
American zaithiam leh hla phuah thiam hmingthang Taylor Swift chuan a fans “Swifties” te chu a Instagram story kaltlangin National Voter Registration Day-a vote thlak turin a fuih.
Taylor Swift chuan tun hnaia US-a show a neih tam takah an tawiawm that avanga lawmthu sawiin, theihtawp chhuaha an tawiawm ang chiahin kumin inthlanpui an neih turah pawh theihtawp chhuah theuh turin a ngen a. Swifties te chu vote.org/nvrd tlawh a hun engemaw zat hmang turin a ngen bawk.
Vote.org’s communications director, Nick Morrow chuan X (fka Twitter)-ah Taylor Swift in Swifties te a ngenna avangin registration thar a awm tih a ziak a. Instagram-ah a follower-te chu vote.org/nvrd a vote thlak tura inziak lut tura a hriattir hnuah, an site chuan minute 30 chhungin users 13,000 vel an awm thu a sawi chhuak.