Joyce a tlawm nawn leh

British boxer Joe Joyce chuan inrinni zan khan knockout-a a hneh loh Zhilei Zhang chu OVO Arena, London ah a hmachhawn nawn leh a, knock out bawkin a tlawm nawn leh.
Joyce hi an tualzawlah ngei hnehna chan ngei a tum naa Chinese paliab lakah danglamna a thlen zo lo. Round tir pahnihah beiseina nei sang hman mah se round thumna lekah a khingpui hnek na tak tuar zo lovin a tlu a, a thochhuak thei tawh lo. Zhang hian knockout bawka Joyce a hneh leh tak vangin title fight hmachhawn theih beiseina sang zawk a nei thar.
Kum 40 mi Zhang hian thla nga liam ta khan Joyce hi a lo hmachhawn tawh a. Chak tura rinkai zawk ni phak lo mah se round rukah tlawm nei lova kal tluang mek Joyce a knockout. An inhnek nawn lehnaah a chak leh tak vangin inhnek 27 a hmachhawn tawhah vawi 25 a chak a, vawi khat tlawmin, draw vawi khat a nei tawh bawk. Joyce hian professional huangah i hnek vawi 17 a hmachhawn tawh a, vawi hnih a tlawm tawh.