Zawlnuam College-ah building thar

Cheng nuai 100 senga sak Govt Zawlnuam College Multipurpose building chu Thawhlehni khan Higher & Technical Education minister Dr R Lalthangliana’n a hawng.
Minister chuan building pawimawh dang pawh a tahtawla an la hawn zel tur a ni tih sawiin, zirlaite leh zirtirtute chu zirna kawngah thahnemngai taka tan la sauh sauh turin a fuih. Zawlnuam College-a hnam dang zirtirtu an awm nual chuan Sap tawng lamah zirlaiten chhawr tangkai se a duh thu a sawi bawk.
Multipurpose building hi Zopa chhiara chhawng thum a ni a. Kum 2019 atanga Sky Ridge Construction & Consultancy Services-in a sak a ni.
Govt. Zawlnuam College-ah hian zirlai 80 vel leh department 6 leh zirtirtu 20 an awm mek a ni.