SDRF-te tan training buatsaih

3rd Bn Mizoram Armed Police Hqrs Mualpuiah Disaster Management & Rehabilitation department leh 3rd MAP tangdun chuan kar hnih awh tur, chhiatrupna a thlen thulha chhanchhuah hna thawh dan tur zirna, State Disaster Response Force (SDRF) 3rd Bn MAP tan an buatsaih a. Thawhlehni khan nei tanin, DM&R secretary K Lalrinzuali’n a hmanpui.
DM&R department hian tunhma deuh khan SDRF-te tan training a lo buatsaih tawh thin a, SDRF mite hi pension leh hmundanga post te an awm thin avangin, member tharte tan training thawh hnihna hi 3rd Bn MAP ah neih hmasak ber a ni.
Training-ah hian 3rd Bn MAP atangin mi 45 training turin an tel a. DM&R department, Aizawl District Quick Response Team leh National Disaster Response Force lama mithiamten an zirtir dawn a ni.