Pisa kai hun tidanglam

General Administration Department chuan hriattirna tichhuakin, Mizoram sawrkar hnuaia hnathawkte pisa kai hun chhung a tidanglam.
Thlasik hun atan 2023 October 3 atangin 2024 February 16 chhung zing dar 9.00 atanga tlai dar 4.00 thleng a ni tawh dawn a. State dang Mizoram House hrang hrang pisa kai hun pawh siam nghalin, hmarchhak chhung bika Mizoram House-ah thlasik chhung hian ing dar 9.00 atanga tlai dar 4.00 thleng, hmarchhak ni lo India ram hmun dang – Kolkata, Delhi, Mumbai leh Bengaluru-a Mizoram House-ah zing dar 9.30 atanga tlai dar 5.00 a ni ang.
Nipui hun – 2024 February 16 atanga September 30 thlengin Mizorama chhunga thawk leh NE state danga House-ah zing dar 9.00 atanga tlai dar 5.00 a ni anga, NE state ni lo India ram hmun dang House ah zing dar 9.30 atanga tlai dar 5.30 a ni ang.