Euro 2028 thlengtu tur UK & Ireland

Europe khawmuala ram hrang hrangte football hmanga an inelna ngaihhlut hlawh ber Euro chu 2024 hian khelh a ni leh dawn a, Germany in a thleng dawn. Euro 2028 chu UK leh Ireland ten an thleng dawn tih a chiang bawk.
Euro 2028 hi UK leh Ireland ten inthlen tawm an dil a. Turkey in thlen an tum ve bawk. Thlen tuma hma la ve dang Turkey hi Euro 2032 thleng tura an insawrbing duh vangin Euro 2028 thlen an tumna ata an inhnukdawk leh ta thung. Turkey an inhnuhdawh tak vangin Euro 2028 thlen dil awmchhun chu UK & Ireland chiah an ni ta a, elpui an nei tawh lo. Elpui an neih tak loh vangin ram inthenawm pahnihte hian inelna lian an thleng ngei a ngai ta a ni.
Euro 2028 thlen tuma hma an lak hnua inhnukdawk Turkey hian Italy nen Euro 2032 thlen an tum zui dawn thung a. Euro 2032 thlen an tumna kawngah tun thlengin elpui an la nei rih lo. Turkey hian Champions League final a thleng tawh thin a, Inter Milan hnehna Manchester City an champion na kha Ataturk Olympic Stadium a ni nghe nghe. Champions League final thleng tawh thin mah se ram anga inelna lian erawh thlen an la nei lo thung. Euro 2032 thlen tum ve dang Italy hi chuan Euro hi kum 1968 leh 1980 khan a thleng tawh a. Euro 2020 match thenkhat kha Rome khawpuia Stadio Olimpico-ah nghah a ni bawk.
Euro 2028 thlengtu tur UK & Ireland tih an ni a, a nihna takah chuan ram panga; England, Scotland, Wales, Nothern Ireland leh Republic of Ireland ten an inthlen tawm dawn tihna ni. Euro 2028 khelhna tur khelmual 10 thlan fel nghal a ni a. Chungte chu a hnuaia mite hi an ni.