Indian women’s archery team an champion

Rinkai zawk Chinese Taipei hnehin Indian women’s compound team chuan Asian Games thalkah intihsiakah Ni-ngani khan gold medal an hlawhchhuak a, Hang-zhou Games kal lai archery bika India gold medal pahnihna a ni.
Top-seeded reigning world champion trio – Jyothi Surekha Vennam, Aditi Swami leh Parneet Kaur thawkho hian final-ah duhthusama thain thalfang an thlah a, 60-60 fuhin, an tumpui third-seeded Chinese Taipei lakah hnehna changin, archery bika an medal panga lakna a ni tawh.
Nilaini khan Asia khawmualpui huap inelna lian kal mek thalkah intihsiakah hian Jyothi Surekha leh Ojas Deotale chuan compound mixed team event-ah lawmman semna dawhsan chungber an lo luah tawh a, kha kha tuntum Asian Games archery-a India gold medal hmasaber a ni.
Thalkahah hian inelna zawh fel a la ni lo a, India hian a lo berah medal panga chu an la thei dawn tih a chiang tawh.