Eiruk thubuai vanga jail tang chhuak leh rih

Sum tihchingpen thubuaia thiam loh chantir a nih avanga jail tang mek Chakma Autonomous District Council chief executive member hlui Kali Kumar Tongchangya chuan court sang zawkah a khinlet avangin jail atanga chhuah lailawk tir a ni.
MNF Hqrs. CADC thuchhuah siam danin, Aizawl District Court-a Prevention of Corruption Act special judge-in CADC CEM a nih laia cheng vaibelchhe 1.79 tihchingpen thubuaia kumin September 25-a thiam loh a chantir Kali Kumar Tongchangya hian Gauhati High Court Aizawl Bench-ah a khinglet a, High Court hian thiam loh chantir a nihna leh hrem a nihna hi titawp lailawkin, amah hi bail-a chhuahtir turin a ti a. Hemi chhung hian a thubuaia thiam loh chantirna hi ngaihtuah that a ni ang.
Special judge hian Kali Kumar Tongchangya hi jail-a kum li tang tur leh cheng nuai 4 chawi turin a hrem a. September 26 khan jail-a dahluh nghal a ni.