Election hotute leh MJA te inkawm

Lawngtlaia deputy district election officer Abraham Beirazi Khithie chuan MLA inthlanpui neih tura district inpuahchah dan chu Nilaini khan MJA Lawngtlai District member-te a sawipui a.
Dy. DEO chuan inthlan hun tur puan a nih tawh avangin ECI inkaihhruaina hnuaiah political party, sawrkar hnathawk leh mipui nawlpui zawm tur thuchhuah hrang hrang siam a ni tawh a ni, tiin, inthlan chungchanga thil hriat fuh loh avanga buaina leh harsatna a thlen loh nan mipui zirtir kawngah MJA chu thawhpuiah a sawm.
Inthlan felfai leh thianghlim a awm theih nan media kaltlanga model code of conduct chungchang political party leh mipui nawlpui hnenah zirtirna kalpui dan tur sawi a ni.
Election hotute sawi danin, Lawngtlai district-a polling station 181 awmah duty tur mi 907 ruahman a ni.