Badminton tan thawkho leh dawn

Badminton tan thawkho leh dawn
Mizoram badminton hmasawnna atana lo thawkho tawh thin TATA Trusts, North East Ini-tiative Development Agen-cy (NEIDA), Pullela Gopi-chand Badminton Acade-my (PGBA) leh Mizoram Badminton Association (MBA)-te chuan ‘Badmin-ton Initiative Mizoram’ tih hnuaia kum hnih leh a chanve dang thawkho leh turin thu an thlung fel.
Hemi chungchanga sum hman dan tur leh programme kalpui dan tur sawihoin Nilaini khan PGBA Conference Hall, Hyderabad-ah pawl palite hi an thukhawm nghal a; MBA aiawhin honorary secretary Lalrinzuala Pachuau a tel a, NEIDA aiawhin B. Lalrinkima a tel bakah Tata Trust aiawhin an head of sports Neelam Barbardesai leh consul-tant Sajith John an tel a; PGBA aiawhin Pullela Gopichand a tel bawk.
He thawhhonaah hian Regional Development Centre chu Pullela Gopi-chand Intensive Training Centre (PGITC) tia hming thlak a ni a; ngawrh leh-zuala training kalpui a nih dawn bakah heta awmte hi kum tin vawithum PGBA-ah training zawm tura hruai an ni thin ang.
PGBA-ah hian Mizo badminton coach tur lak belh a ni dawn bawk a; he thawhhonaah hian cheng vaibelchhe 3.8 vel a thawkhote hian an seng tura ruahman a ni. “
Tata Trusts, NEIDA, PGBA leh MBA-te thawh-hona thar tur chung-changah hian October ni 6, 2023 khan MPSOA Conference Hall, Bung-kawnah training neih a ni tawh bawk.
He training hi ‘Mizo-ram Badminton Project General Stakeholder Meeting’ tih niin, MBA atang leh badminton coaching kal mek nu leh pate atangin aiawh an kal a; RDC coach-te bakah NEIDA leh Tata Trust lama thuneitute an tel bawk a ni.