Seat insema party dang thawhpui kan tum lo – K Sapdanga

MLA inthlanah sawrkar siam tuma seat insema party dang thawhpui neih an tum lo tih ZPM working president K Sapdanga chuan a sawi.
Inrinnia Aizawl North-III huamchhung Edenthar ZPM Information Office hawnnaah K Sapdanga chuan party dang thawhpui neih an tum loh thu hi sawiin, “Party mala sawrkar siam turin theihtawp kan chhuah mek a, laklawh thil a lo awm palh a nih pawhin party dang nen sawrkar siam kan tum lo,” a ti.
ZPM working president chuan an khingpui party dangten an party awmdan tur chu suangtuahna in an relpui nasa hle a, an election manifesto chu ZPM candidate-te sawi bawrhban a ni ta ber, tiin, “ZPM hian Pathian leh mipuite zarah hnehna a chan chuan, corruption hi sawrkar lairil atangin a do anga, hmasawnna hna erawh ramri hrul atangte, veng daifem atangte in kan thawk tan ang,” a ti.