Tomato chingtute pui

KVK Champhai District Khawzawl chuan Rabung khuaa tomato chingtute nen October 13 khan an hriat tur tul inhrilhin an inkawm.
He programme hi KVK leh IIHR-NEH tangdun buatsaih a ni a. KVK head & senior scientist Dr Malsawmkimi leh subject matter specialist (Agronomy) Rambuatsaiha ten an zirtir. Phunchawng zau, Kangfim zau leh Khumzawl zaua tomato chingtute harsatna tawh, tomato bacterial wilt, virus chungchanga harsatna leh a rah keh chungchanga harsatna an tawhte a hmunah an enpui a ni.
Rabungah hian chhungkua 32-in eizawnna atan tomato hi an ching mek a, kum 2022 chhung khan quintal 900 an thar a ni.
KVK Khawzawl hian tomato chin dan zirtirna an pe thin a. Kum 2015 atang khan Champhai district huamchhunga fur laia tomato chin theih ni ngai lo kha Tomato variety – Arka Rakshak lalutin, Tuipui khuaah tomato an chintir a, Khawzawl district huamchhung khua – Tualte, Rabung, Chawngtlai, Khawhai leh Neihdawnah Arka Samrat leh Arka Abhed chingin chhungkaw tam takin eizawnnan an hmang a ni.