Chhimtuipuia tla hmu tawh

Inrinnia Tuipuiferry, Chhimtuipuia tla Daniel V. Lalrinchhana (32), Lawngtlai ruang chu Thawhtanni zing dar 8.30 vel khan hmuh a ni.
Thudawn danin, October 14-a Tuipuiferry-a thianho intihlima kal zinga pahnih Lalchharliana leh Daniel V. Lalrinchhana, Lawngtlai Vengpui te hi Tuipuiferry khaw bula khawl hmanga balu laknaah an chesual a. Lalchharliana zawk hi chhan hman niin, Daniel erawh chhan hman lohin tuiah hian a tla a ni.
Chetsual tawh atang hian Tuipuiferry khua bakah Central YLA, MTP leh Lawngtlai leh Siaha atangin mi tlawmngaiten chhun leh zan zawmin ruang zawn hna an thawk nghal a. Tui hi a len em avangin ruang zawn a chak thei lo a, theihtawp chhuaha zawn hna an thawh hnu-ah October 16 zing dar 8.30 vel khan a tlakna atanga hla tak, Bukpui lui chhuahah hmuh a ni.