Hming pek hun tawp Candidate 174 awm

November 7-a inthlan neih turah October 20 chawhnu dar 3.00 khan candidate chuh tum tan nomination paper thehluh theih hun a tawp a, hriat theih chinah candidate 174 an awm.
CEO office chhinchhiah danin, Aizawl district-a Assembly bial 12 chuh turin mi 55-in nomination an file a; Lunglei district-a bial 6 chuh turin 27, Siaha district-a bial hnih chuh turin mi 9-in hming an pelut. Champhai district-a bial thum chuh turin mi 10, Kolasib district-a bial thum chuh turin mi 13, Serchhip district-a bial thum chuh turin mi 15, Lawngtlai district-a bial thum chuh turin 13, Mamit district-a bial thum chuh turin mi 14, Saitual district-a bial thum chuh turin mi 11, Khawzawl district-a bial khat chuh turin mi 4, Hnahthial district-a bial khat chuh turin mi 3 an awm a ni.
MNF, INC leh ZMC chuan bial zawng zawng chuhkimin candidate 40 an nei a, BJP-in bial 23 chuhin an candidate pakhat, MZP-in hnamdang pasal nei candidate nei lo tura an tih vanga inhnukdawk chu a dinna tur bialah a thlaktu tur an dah a ni. AAP-in bial 4 chuhin independent candidate-a ding tur 27 an awm a ni.
Hming pek luhte hi vawiin – October 21 hian endik a ni ang.