Tang semrual deuh tum

Mizorama District Jail thenkhata tang thei zat aia tam awmte chu jail thawlna deuh dangah semrual dan ngaihtuah mek a ni tih Inspector General of Prisons R Lalremsanga chuan a sawi.
IG Prisons hian Zirtawpni khan Champhai District Jail tlawhin a endik a. Champhaiah hmasawnna hmuh tur a tam avangin mihring an pung chak a, hemi rual hian sualna pawh a pung ve zel a, Champhai District Jail-ah a tang thei zat ruahman aia tam an tang mek tih a sawi. Jail hmunhma tha leh zau zawka sak a nih theih nan hma lak thuai a nih tur thu a sawi bawk.
Mizorama District Jail tang dinhmun a inanglo hle a, jail thenkhatah tang tur aia tam an tan laiin, thenkhatah an thawl em avangin tang tamna hmun ami, mi tang tlemna awmna hmunah sawnkual tura hma lak mek a ni tih a sawi a ni.
Jail hrang hranga tang zingah thalai tam tak, thiamthil nei an awm a, heng an thiamna an tanna hmuna siam thei tura ruahman tum a nih bakah chhawr tangkai an nih thei nan hma lak thuai a nih tur thu a sawi.
Champhai District Jail hi mi 150 tan theihna tura duan a nih laiin, tunah mi 204 an tang mek a, hei vang hian tang ei leh in a hautak hle tih jail hotute chuan an lo sawi a ni.