Australian David Mudge chuan January ni 25 khan kum 80 a tling a, khawvela competitive football player upa ber record a siam. “Kum te chu number mai mai alawm,” an tih hi David tan hian a dik hmel riau, Northern Suburbs Football Association match-a an team Kissing Point Football Club leh North Turramurra te an inkhelhin kum 79 leh ni 89 a upa a ni a, he inkhelah hian an team hi 6-0 in a chak lo zawkah an tang nain, David hian record a siam ta tho a ni.
-- Advertisement --
A hmaa competitive footballer upa ber record chu kum 73 a ni tih a faten an hriat chhuah hnuah David hian Guinness World Record a be pawp ta a, ani hi tun season-ah kartin competition la khel ziah a ni a, Guinness guideline-ah chuan record siam thei tuin minute 90 tal game an khelh a ngai a, hei hi mi-fit David tan thil harsa a ni lo.
Kissing Point Football Club leh North Turramurra te hi an inkhelh zawhah an intlar thap a, David hi lawmpuina chibai an buk a, David chuan, “Hetiang ka thlen theihna chhan ka teammate-te chungah lawmthu ka sawi,” a ti. Northern Suburbs Football Association=ah 1958 atangin an inhmang a, under 14 atanga khel tanin Beecroft club-ah bul a tan a, Kissing Point hi 1974-ah a zawm a, club tana a khelh bakah a hnuah president leh treasurer te pawh a ni leh a, Kissing Point junior team-ah coach leh manager te pawh a ni tawh baw