Nuai 3 tiam hmangin MNF-in mipui bum – ZPM

SEDP-a cheng nuai 3 tiam hmangin MNF chuan mipui an bum tih ZPM chuan an sawi.
ZPM general secretary Eddy Zosangliana Colney chuan 2018 inthlan dawnah MNF party chuan mipui hnena an inzawrhna pui ber chu SEDP hnuaia chhungtinte cheng nuai 3 pek a ni a, chu chu an tlin chhan ber nia ngaih a ni tih a sawi. MNF president Pu Zoramthanga phei chuan cheng nuai 3 mai ni lo, nuai thum aia tam, NLUP dawng tawh pawhin an dawn leh vek tur thu a sawi bakah MNF a sawrkar chuan chhungkaw tinin eizawnna nghet, kumtin nuai 5 chuang an lakluh theihna tur ruahmanna an kalpui dawn tih a sawi thu a sawi chhawng.
Chutiang a nih lai chuan tuna an sawrkar term tawp dawnah chhungtinin nuai 3 an dawng loa, kum 5 chhungin chhungkaw tlemte hnenah Rs. 25000 te tein an pe thei tawk a, chu pawh kumtawp dawnah, inthlan dawn hnaihah, tlin nasa tak sengin a vei em em thildang a sawi nual tih a sawi a. Kawngchhawng siam, leiverh leh a dangte ah pawh hmalakna kalpui mek zel a ni tih a sawi.
“Leiverh liantham tak siam turin DPR peihfel a ni tawh a, tender tihchhuah tawh a ni. Kawngchhawng pawh Aizawl hmun hnih – Vaivakawn leh Bawngkawnah siam tum niin, mithiamte pawhin an rawn en fo tawh a, hrileng avang bakah thil liantham tak a nih avangin tum angin thil a kal rih mai lo a ni,” MNF adviser hian a ti.
Pathian leh mipui khawngaihna changa MNF an sawrkar leh a nih chuan, ram leh hnam tan hnathawh zawh loh tam tak an la nei a. Tha tho tak leh taima takin an thawk zui dawn tih a sawi.
“Kan hmalakna tlangpui zawr zawr en pawh hian kan thawk tha thawkhat hle tih a lang a. MNF sawrkar hi ngawirenga hna thawk mawp mawp mai thin, inpuangzar vak vak lo kan nih avangin, kan hmalakna tam tak hi mipui hian an hre tawk lo a. Hna thawk mang loa min puhna pawh thutaka lo ngai tawk an awm thin,” a ti. Pathian leh mipui zarah MNF hian sawrkarna an chang leh ngeiin an ring a, boruak zalen leh pangngai hnuaiah nasa lehzualin mipui rawng an bawl thei ngei ang tih an beisei tih a sawi a ni.