BJP-in dy CM chang dawn – Nagaland dy CM

MLA inthlanah BJP chu sawrkarnaah a tel dawn a, Mamit biala BJP candidate Lalrinliana Sailo chu deputy chief minister tur a ni dawn tih BJP tana campaign-tu Nagaland deputy CM Y Patton chuan a sawi.
Inrinnia Mamit bial chhung Nalzawl khuaa hun an hmanah MLA inthlan atana BJP tana campaign Nagaland dy CM hian, politics-a palian takin a bial chu vannei a tih thu a sawi a. Mamit chu asprinational district a nih bawk avangin Prime minister Modi-a’n a ngaipawimawh a, BJP candidate hi a rin ngam em em a ni bawk tih a sawi.
“BJP hi sawrkarnaah kan tel ngei dawn a, Pu Lalrinliana Sailo hi keimah anga deputy CM dinhmun chelh thei tur a ni dawn. Deputy CM bial nih hi thil chakawm tak a ni a, kawng chhe tak pawh siamthat thuai a ni ang,” a ti.
Kristian pa a ni a, sakhuana lamah harsatna a tawk ngai loa, tunhma atang tawhin BJP chuan tualto party an lo thawhpui sakhuana leh Kristiannaah buaina an tawk ngai lo tih Y Patton hian a sawi bawk.