Lalsawta’n BJP nena indonaah ngai

Nilaini khan Sihphir Kawn Vengah Indian National Congress Iptepui banna hawnna huna thusawitu Lalsawta, Congress president chuan ram chhunga mite nen an indo niin a sawi a, a cho chhuaktu chu BJP an ni a ti.
Vawiina kan indona hi ram pawn atanga lo kal a ni lo a, ram chhung atanga lo kal a ni tiin a sawi a, Central BJP sorkar ngeiin a cho chhuah leh a tih luih a ni a, kan ram a tluchhe mek a ni tiin, India ram hi pangpar chi hrang hrang mawi tak tak an vulna hmun a ni ?hin a, India rama hnam hrang hrang leh sakhaw hrang hrang betute mawi tak leh lungrual takin kan lengho thin kha a ni a, tunah chuan BJP hian rawng pakhat chauha siam an tum a, India ram chhungah ngei indona an ti chhuak a, a ti.
Uniform Civil Code (UCC) ngaihtuah chian a ngaih thu a sawi a, ‘Kristian chu kan inneih danah te hian kan sakhua a lal em em a, man inhlana innei mai kan ni lo a, biak inah ngei inneiin Kristian chuan urhsun takin inneihna kan kalpui thin a. Pathian hmaa innei kan nih avangin Kristiante chuan kan ngai thutak hle a ni. Tuna an danah chuan man leh mual inhlan a, inneih theihna dante an rawn ti chhuak mek a, Mizo Kristian ang pawhin a hlauhawm hle a ni,’ a ti.
‘BJP-in Mizorama regional party a thawhpui theih tur chu MNF leh ZPM te hi an ni a. Chu chu mipui te’n min hriatthiam pui ula, kan ram tlu chhe tur thlir liamtu ni lova, kan siamthat theih hun laia siamthat a nih theihna turin BJP thawhpui theih ve loh tur Congress party candidate-te lo vote vek turin mipui ka sawm che u a ni,” tiin mipui a sawm.
“BJP hian North-East-ah chuan keini Mizoram tih loh chu sum hmanga a namthluk theihho chu a namthlu vek tawh a. Central BJP hian Mizoram BJP hi sorkar-tir an tum vak lo, tul pawh an ti lo a nih hmel a. Mizo mipui hian Mizoramah BJP angin sorkarna siam khawpin kan vote tling dawn lo tih an hria a. Chuvangin, an luhka atan regional party an rawn thlang chat a, MNF an thawhpui mek a, ZPM hi an thawhpui leh tura an beisei mek a ni,” ti baw