Bihar-ah zirlai nuaih 5 chuang hming paihsak

Bihar state-a sorkar enkawl school-a inziak lut zirlai naupang hming nuaih 5 te chu thla reilote liam ta atanga paih bo an ni a, hei hi zirlai naupangte attendance a lo \hat phah theih nana education department hmalakna a ni.
He hmalakna atang hian state chuan sum Rs.300 crore hum thei tura beisei a ni a, hetia tih hi nilo se chuan zirlai ni tak taklo te hnenah hlawkna hi a kal vek dawn a ni. He hmalakna hi Bihar-a sorkar enkawl school-a naupang inziak lut dik tak hriat theihna tura tih a ni.
Zirlai hming lem paih bona hi KK Pathak, the additional chief secretary rawtna angin school Education Department ten an kengkawh a ni. Pathak chuan state chhunga sorkar school te tlawhin zirlaite chu hun rei tak chhung school an kal ngailo tih a hmuhchhuah atanga he thupek hi chhuah a ni.
Education Department chuan “Thlarau zirlai” tam tak school hmun hrang hrangah leh private school-ah te an inziahluh an rin thu an sawi a. Electoral rolls nen in tinah kala naupang school kal ngailo zir chianna nei tura hmalakna neih thuai a nih tur thu sawi a ni bawk.
Pathak chuan Direct Benefit Transfer (DBT) hnuaiah Bihar sorkar chuan Rs. 3,000 crore a hmanral thu Bihar State-a district magistrate 38 te hnenah lehkha thawn kual vek a ni. Pathak chuan “Thlarau Zirlai” inziak lut za zela 10 te school danga zir leh lawisi hlawkna beiseia inziak lut ve mai mai te paih chhuah an nih chuan state sorkar-in Rs. 300 crore lai a la hlep theih thu a sawi a ni. Pathak chuan sawi belh zelin Bihar-a sorkar school-a inziaklut za zela 10 dawn te chuan attendance za zela 50 hnuai lam an nei a, mahse hetiang school ang hi a tlahniam ve zel a ni, tiin a sawi.