Inter Milan 2-1 Red Bull Salzburg

Alexis Sanchez-a first half goal leh second half tir lama Hakan Calha-noglu penalty chhuihluh hmangin San Siro-ah Inter Milan chuan point thum an thawkchhuak a, Real Sociedad nen point sarih ve ve nei chungin Groud D table-ah goal difference-a an hniam zawk avangin pahnihna an luah chhunzawm.
Thawhlehni zan in-khela FC Red Bull Salz-burg goal neih chhun hi minute 57-a Oscar Gloukh tihluh niin, 1-1 a nih hnu hian Lucas Gourna-Douath chuan Davide Frattesi lakah penalty chawiin, Calha-noglu chuan mualneitu team chakna goal a chhuihlut.
Goal hmahruai khung-tu Sanchez kha kum 34 mi ni ve tawhin, Inter a chhuahsan hnuah season liamta khan loan-in Marseille a zawm a, kumin nipui laiin Serie A club-ah a kirleh a, thla 12 daih contract a ziak.
San Siro-a a goal khat tihluh leh nen Sanchez hian Cham-pions League-ah goal 16 thun tlingin, a hmaa Chilean zinga he compe-tition-a goal khung hnem ber ni reng Arturo Vidal (15) a hmakhalh ta a ni.
Group D inkhel dang-ah hmahruaitu Real Sociedad chuan sikhat faiin Benfica an hneh.