Kar tawp football hnuhma
International break a awm hnuin inrinni leh Pathianni zan khan European top 5 league khelh chhunzawm a ni a. Hnu hma thar eng emawzat hnutchhiah thar a ni leh ta a, kar tawp football hnuhma kan tarlang leh ang.
English Premier League
Inrinni zan khan EPL champion lai Manchester City chuan Etihad Stadium-a an mikhual Brighton & Hove Albion chu 2-1 in an hneh. City hian an mualah vawi 21 zet hnehna an chang zawn tawh a, hei hi EPL record thar niin, EPL club zingah an muala vawi 21 chak zawn thei hmasa ber an ni.
Inrinni zana London derby hmuhnawm takah Chelsea leh Arsenal te chu 2-2 in an inhnehtawk. Stamford Bridge a inkhel hmuhnawm takah hian Leandro Trossard chuan hun tawp dawn hnaihah goal thunin Arsenal si phurh a sut. Trossard hian bench atang lut chungin goal thum an thun zawn tawh a. Arsenal player zingah substitute ni chunga goal thum thun zawn thei hmasa ber a ni.
Inrinni zana Merseyside derby hmuhnawm takah Liverpool chuan Anfield-a an mikhual Everton chu si hnih faiin an hneh. Si hnih faia Everton an hneh tum hian Mohamed Salah chuan goal hnih a thun. Salah hian a career-ah goal 200 thun tlingin mel lung pawimawh a phun. Aigupta tlangval Salah hian EPL-ah goal 146 thun tling tawhin, Robin van Persie goal thun zat goal 144 a khum a. EPL-a goal thun tam parukna a ni nghal bawk. Salah hian season kal meka goal 11-ah a inrawlh tling tawh a. EPL season kal mekah heti lama record nei tha ber a ni mek.
Spanih LaLiga
Kar tawp khan club lian Real Madrid, Barcelona leh Athletic Club te an inlan hlawm a. Anni club pathumte hian Spanih top flight ah game 3000 an khel tling hlawm.
Inrinni zan khan Real Madrid leh Sevilla te chu 1-1 in an inhnehtawk. Real Madrid hi Sevilla lakah tlawm vei lovin khelh 10 chhung an awm ta chiah. Sevilla hian Real Madrid an ngam lo zawn leh ta viau a, kum 1993-2003 chhung khan vawi 15 zet Real Madrid lakah chak an lo nei lo zawn tawh bawk.
Inrinni zanah Sevilla an inhnehtawkpui thei nan Real Madrid tan Dani Carvajal chuan minute 78-naah goal thunin an si phurh a sut. Real Madrid goal a thum hi August 28, 2021 hnu lamah Real Madrid tana goal a thun leh hmasak ber a ni a. Goal thun turin ni 784 zet a mamawh.
Atletico Madrid in si thum faia Celta Vigo an hneh tumin Antoine Griezmann chuan hattrick a siam. Griezmann hian February 2018-ah hattrick a lo siam tawh a, hattrick siam leh turin ni 2061 zet a nghah a ngai. Criezmann hian Velta Vigo laka harttrick a siam kha La Liga-ah hattrick a siam vawi lina chiah a ni.
Pathianni zan khan Almeria chu Girona lakah 5-2 ngawtin an tlawm. Almeria hian La Liga season tharah goal 29 zet an chhuah tawh a, hei hi kum 1962-63 hnu lamah La Liga game hmasa 10-a goal chhuah tam ber an ni. kum 1962-63 season khan Elche chuan La Liga season thara game hmasa 10-ah goal 30 zet an lo chhuah tawh.
Pathianni zanah FC Barcelona in si khat faia an hnehna goal chu kum 17 leh ni 291-a upa Marc Guiu thun a ni. Barcelona chakpuitu Guiu hi kum zabi 21 naah Barcelona tana goal thun thei naupang ber a ni.
German Bundesliga
Inrinni zan khan Bayer Leverkusen chuan 2-1 in VfL Wolfsburg an hneh. Leverkusen hian Bundesliga season tharah khelh riat atangin point 22 an hmu a. Hei hi Bundesliga season thara game 8 atanga point hmu tam pathumna an ni. Km 2012-13 leh 2015-16 khan Bayern Munich cuan season thara khelh hmasak pariat atangin point 24 an lo hmu tling tawh a. Bayern Munich vek hian kum 1998-99 khan game hmasa pariat atangin point 22 an lo hmu tawh bawk.
German Bundesliga season tharh Borussia Dortmund an khel tha chhunzawm zel a, tlawm nei lovin vawi 16 zet an kal tluang tawh. 2011 lweh 2016 khan tlawm nei lovin vawi 16 ve ve an lo kal tluang tawh a. Hemi hnu lama an chet that ber tum an tawng le mek.
French Ligue 1
Season thar bul tan tha lo Paris St-german chuan an khelh hnuhung vawi hnihah goal an chhuah lo. Hei hi December 2021 leh February 2022chu lamah Ligue 1 game hnih chhung gola an chhuah lo zawn hmasak ber a ni.
Messi-Ronaldo
Lionel Messi chuan season kal meka Inter Miami game hnuhnung ber a khel a, playoff khel turin an tling zo lo. Hetihlai hian Cristiano Ronaldo chuan Al Nassr tan goal a tun leh tawh. Damac an hneh tuma freekick pet goal Ronaldo hian free kick atangin goal 61 a thun tling ta chiah.