Thla khat chhungin hri vei pakhat

ovid-19 hri a la awm a, mahse a leng tawh lo tluk a
ni. Vanneihthlak takin Mizoramah hrileng a zia zel.
IDSP te’n an chhinchhiah danin, thla liam ta October-ah khan Mizoramah hri vei hriatchhuah pakhat a awm a, kumin kum chawhnu lamah hri hi a zia telh telh.
October-ah khan sample endik tur pawh a tam lo; sample 13 endik a ni a, pakhat a positive. October ni 19 zan dar 11-a result chhuakah hri vei pakhat a awm a, hei hi a hnuhnung ber a ni ta rih. Ani hi October ni 26-ah a chhuak. Hemi hmaa hri vei hriatchhuah hnuhnung ber chu September ni 12-a mi a ni a, ani hi September ni 18-ah dam takin a chhuak.
Kuminah April velah khan hri vei an awm leh a, May-ah a hluar; May thlaah hian hri vei hriatchhuah mi 375 an awm a, June-ah tlahniamin, mi 116-in an vei tih hriatchhuah a ni. July-ah mi 12-in an vei a, vanneihthlak takin hri vei zat hi a tlahniam ta zel a ni.
Mizoramah mi 2,39,562-in hri an vei tawh a, vanduaithlak takin mi 734-in nunna an chan tawh.