Kolasib district-ah Pink P/S 10 a awm

Kolasib district-a Assembly bial pathumah hmeichhe hlang duty-na tur polling station 10 a awm. Kolasib district-a Assembly bial pathuma polling station 89 awmah inthlan buaipui turin PRO 1 leh PO 3 theuh ruat an ni a. Tuirial biala polling station 26 awm zingah hmeichhe hlang duty-na tur polling station 3 awmin, Kolasib biala P/S 29 zinga 4 leh Serlui biala P/S 34 zinga 3 chu hmeichhe hlang duty-na tur a ni.
Polling station tina duty tur team ruatfel sa bakah thlaveng (reserve) atan Tuirial bialah hmeichhe team 2 leh mipa team 4, Kolasib bialah hmeichhe team 2 leh mipa team 2, Serlui bialah hmeichhe team 2 leh mipa team 5 dah an ni bawk.
Kolasib district-ah hian pan harsa zual polling station a awm loa, an vaiin vawiin – November 6 hian an chhuak dawn a ni.