Mamit district P/S 121 ah kea kal ngai P/S 6 a awm

Mamit district-a Assembly bial pathuma polling station 121-ah polling station 6 chu kea pan ngai a ni a, lawng hmanga kal ngai polling station pahnih a awm bawk.
Mamit district-a polling station 121 zinga P/S 39 chu pan harsa deuh a nih avangin November 5 khan heng hmuna duty tur polling party-te chu an chhuak tawh a. November 6 khan P/S 82 danga duty turte chu Mamit atangin an chhuak ve leh a ni.
Mamit Assembly bialah P/S 43, Dampa bialah P/S 40 leh Hachhek bialah P/S 38 a awm a. Heng bial pathumah hian 64787 an awm. Polling station 121 zinga P/S 9 chu pink polling station niin P/S 13 chu venhim ngai bik – vulnerable polling station an ni. Polling station 6 – Hachhek bialah Bajirungpa, Sotapa; Dampa bialah Zodin leh Mamit bialah Chilui leh Khanthuam P/S te chu kea kal ngai niin Mamit bial ami Dilzawl leh Tlangkhang P/S chu lawng hmanga kal ngai an ni.