India leh Gulf ramte thawkho dawn
Thla tamtak tihkhawtlai a nih hnu-ah India leh Gulf Co-operation Council (GCC) te chuan free trade agreement chungchang-a kawng bumboh tak tak sukiang turin sawihona an nei tan a, hei hian ram pahnihte inkar bika investment treaty lam a huam lo a ni. Agreement an siam ang chuan India -in a bungruate tam tham taka a tih ralna tur leh hun kal tawh atangin India hnathawktu leh professional te helai ram vel hi an lo khawsak hrepna thin a nih angin visa pawh hriatthiamna thui tak nen kalpui nise a ti a. Hengte avang hian India chuan Investment tha zawk a beisei a ni. Mahse thuneitute chuan he inremnaah hian ram pahnih inkara investment treaty chu dah boin a lehlam lehlam ve ve ten an inremna siamah an inhawng hle a ni tih an entir a ni. Times of India-in a sawi danin inremna chipchiar zawk chu la ruahman zel a nih tur thu a sawi a ni.
GCC-a member paruk – Saudi Arabia, UAE, Kuwait, Qatar, Bahrain leh Oman te hian kum khat aia tam kaltaah khan Free Trade Agreement chungchanga rawtna te kalpui an duh thu an lo sawi tawh a, mahse khawii emaw lai tlemte ah duhlohna a awm avangin tih khawtlai a nih phah a. Helai ram velah hian hetiang trade pact hi a vawi hnih awmna a ni a, UAE dawt ah Oman chu agreement hran sign mai duhtu a nih thu sawi a ni.
India leh GCC ten trade agreement an lo ruahman hi UPA sorkar hunlai ami tawh niin ram dinhmun te a inthlauh lutuk avangin ngaihsak a hlawh zui vak ta lo a. India chu Regional Comprehensive Economic Partnership (RCEP) atanga a kal chhuah tak atangin sorkar chuan sumdawnna kawnga inremna te a hawng thar lehin hma lam pan zelin inremna pathum a ziah pui leh a – Maldives, UAE leh Australia te nen pipe line chungchangah inremna an siam leh ta a ni. Kum kalta chhunga India-in GCC ram te hnena bungrua a thawnchhuah chu $51 billion vel niin kumin April-August chhunga lawng atanga a thil thawn chhuah hlut zawng ringawt pawh $21 billion vel zet a ni. Oil Products, gems and jewellery, electrical machinery, chemicals and cereals te hi India bungraw thawnchhuah lian zual te an ni. Hetih lai hian kum 2022-23 chhunga India bungraw lakluh chu $ 133 billion vela chhut niin hei hi kumin April-August chhunga lakluh $ 39 billion-in a tam a ni.