Police ho la hmu lo

Mizoram MLA inthlana duty tura rawn kal, November 5 zing dar 7.00 vel atanga a awmna chin hriat loh, constable Sabin Nath chu November 8 tlai lam thleng khan hmuh a la ni lo.
Thudawn danin Sabin Nath hi 9th Bn Assam Police ami a ni a, Mizoram inthlanah central armed police force duty tur zinga rawn tirh niin, Ngopa-a duty tura tih an ni. Amah hi zu avanga buai thin a ni a, tun tumah pawh hian a zu nghei thut buai nia rin a ni a, thuchiang erawh a la ni lo.
Ngopa khawtlang bakah Mizoram Police ten an zawng a, an battalion hotute pawh Assam atang hian an lo chho nia sawi a ni.