Ayodhya-a Ram temple sak RSS thawh rah

Rashtriya Swayamsevak Sangh (RSS) general secretary Dattatreya Hosabale chuan Ayodhya a Ram temple sak chu RSS leh volunteer tena national pride movemnet an huaihawt rah a ni tiin a sawi.
Temple chu January 22, 2024 ah hawn a nih tur thu sawiin Ayodhya Temple trust te chuan RSS chief Moihan Bhagwat leh Prime Minister Narendra Modi te chu an sawm thu a sawi bawk a. Sangh te chuan he ni chhinchhiahtlak tak atan hian ram chhunga chhungkaw tina an inhnamhnawih theih nana ruahmanna an siam tur thu a sawi bawk.
“RSS te chuan Ram temple hawnna neih hunah ram pum huapin January 1 atanga 14 inkar chhungin religious leh cultural events a huaihawt ang a. January 14 atangin temple trusts chuan kar khat chhung urhsun takin ruahmanna a siam ang. Pranpratistha (deity installation) chu January 22 ah neih a ni ang a. Swayamsewas maktaduai tel ten Ayodhya an kal vek theih dawn loh avangin an tel ve ngei theih nan RSS workers te chuan Ram temple thlalak leh deity hnena chaw pek tur thlalak te chu inthawn kual a ni ang,” tiin Hosbale chuan a sawi bawk.
RSS volunteer te chuan mi tin te Ram temple tlawh tura a ngen tur thu sawiin hei bakah hian ramri bul hnaia awm te chuan beih an tawh theih avangin RSS te chuan a hmain tlawhpawhna an nei vek dawn tiin a sawi bawk a.
“Border village security leh development kan sawiho a. Heng hmuna chengte hi an pem chhuak zo tawh a, a chhan ber pawh amenities tha an neih loh vang a ni. Ram hi sipai te chauh venhim tur a ni lo va, mipui tin te an tel ve a ngai a ni. Border village a cheng tin te inralring taka awmna National Security tana thawh an neih theih nan kan fuih dawna ni,” tiin a sawi bawk.
Engtikah nge India chu ‘Hindu Rashtra’ a nih ang tia zawhna chhangin Hosbale chuan Sangh te chuan India chu, “Hindu Rahstra” emaw Hindu nation a dah kher tum leh tul tihna an nei lo, a ni sa reng tiin a chhang bawk a.
“India hi Hindu Rahstra a ni sa a, a ni reng bawk ang. Dr Hedgewar (RSS dintu) khan he ramah Hindu an awm chhung chuan he ram hi Hindu ram a ni ang a ti a. Constitution chuan state system a sawi a, chu chu thil danglam daih a ni. Ram ang chuan India hi India a ni a, Hindu Rashtra a ni reng ang,” tiin Hosabale chuan a sawi a.
Ramin harsatna a tawh nasat ber chu India chu chhim leh hmar a then tumna a ni tiin a sawi bawk a. “Mi thenkhat ten South India chu North India nena danglam an ti a. Political leh intellectual level-ah chhim lam lak hran tumna a awm a. Hetiang hi mipui ten an hnawl tur a ni tiin a sawi bawk a.
Love jihad chungchangah RSS leader chuan issue chuan thil pahnih a neih thu sawiin – awareness leh legal case a ni a ti a. RSS te chuan love jihad atanga talchhuak thei te an chhung tena an pawm theih tawh loh te enkawl nan hma a la mek reng a ti bawk.