Candidate-te zingah mi pasarihin case nei

Inthlan chungchang zirchiangtu pawl Association for
Democratic Reform-in Mizoram inthlana dingte (candidate-te) an zirchianna an tlangzarh a, Mizorama candidate 174 zinga mi pasarihin criminal case an nei.
An zirchiannaa a lan danin, party malah ZPM-ah criminal case nei an tam ber a, an candidate 40 zinga mi paliin case an nei. ZPM candidate zinga za zela 10-in case hi an nei a ni.
Candidate 23 nei BJP-in an dawt a, an candidate pahnihin case an nei. MNF-in an dawt leh a, candidate 40 an neihte zingah case nei pakhat an awm. Congress party candidate mi 40-te zingah case nei an awm lo.
Tun tum inthlanah hian independent ticket-a ding mi 27 an awm a, an zingah criminal case nei an awm lo.
2018 inthlanah khan Congress party candidate-te zinga mi pathumin case an nei a, MNF candidate-te zingah mi pathum, BJP candidate-te zingah mi pahnih, independent candidate-te zingah pahnih an awm.
Association for Democratic Reform hian Mizorama case neite case hi case lian (serious case) vekah an dah.
Case lian chin an chhiar dan chuan, case hi a hremna turah a rei berah kum nga lung in tan theihna chin chu case lianah an dah.