Thil chhinchhiah tlak leh tih zui zel atana tha thlirlet

Lunglei district election officer Ramdinliani kaihhruaiin MLA inthlanpuia returning officer te, asst. RO te leh nodal officer te thukhawmin, official-ten an an mawhphurhna chanvo bik theuha hma an lak dan, feedback an dawn, hmasawn a ngaihna lai leh tih chhunzawm atana tha tura an hriat te report an pe.
Kum 80 chin chunglamten mahni in lum atanga home voting an tih theih reng lai a, polling station-a vote thlak hram hramte an lo hlut zia entirna – appreciation certificate leh mug (nopui) an lo pek zel chu district dangin an tih ve loh thil a ni a, thil chhinchhiah tlak tak a nih thu sawi a ni.
Inthlan that (re-poll) ngai loa boruak muanawm tak hnuaia polling station 176-a vote an thlak thei chu lawmawm an tih thu sawiin, Lunglei district mipui, candidate leh party worker-ten Election Commission of India-in tih tur a tih leh tih loh tur a tih te an zawm that thu te, model code of conduct bawhchhiatna liantham a awm loh thu te sawi a ni bawk.