Lu na tur pumpelh dan

Lu na (headache) hi na kan tawrh common ber pawl a ni hial ang. Tunlai khawvelah thla khata ni khat tal lu na deuh fek fek nei lo hi kan vang tawh viau awm asin.
A nat chhan tur awm kan ngaihtuah ngial pawha kan hriatchhuah zawh loh a tam ang. I ei leh in vang emaw lam ai mahin i hmui leh ha vel i tih kawisawih dan khan i lu a ti na thei niin mithiam ten an sawi tlat mai.
Lu na satliah thenkhat kan pumpelh theih dan tur ni a Times Of India health section a mithiam te sawi kan rawn tarlang e:
1. Thil i ei emaw, i thial emaw a nih loh chuan i ha chunglam leh hnuailam kha seh bet suh. In sehruh teuh reng suh tihna a ni ber ang chu. I hmui chip pangngai la, awm pangngaiin awm la, i ha chunglam leh hnuai lam kha a insi lo tawk velin a awm mai ang. Thil harsa a ni lo.
2. I ka angin, i khabe ruh tisawi kual vel zeuh zeuh rawh. A lo ri deuh fawk fawk te pawh a ni maithei, a pawi chuang lo. A rik deuh fawk khan a vawikhatnaah chuan a na deuh maithei, mahse, ngaihthat lohna tur a awm lo. I tih than hnu chuan a ri deuh fawk fawk leh na te a awm lovang.
3. I mit ko tih san deuh ak ak i ching a nih chuan sim nghal hlauh rawh. Kha kha i lu nat fona chhan a ni daih thei.
4. Exercise la tha rawh. Exercise lak hi kan hrisel nan a tha hrim hrim a, lu na nei thin tan pawh regular taka exercise lak hi damdawi tha tak a ni.
5. Tui pawh lu na damdawi tha tak a ni. Dehydration vangin lu a na thei a, chuvangin lu na tam tak hi tui kan in tam tawk loh vanga awm te ni a thin. Chutih rualin, tui in tam leh lutuk pawhin lu na a siam thei ve tho bawk. Tui kan in hnem lutuk chuan kan taksaa nutrient-te a tih dal theih thin vang a n