Chhas bem nan eye contact

Chas bem hi tawngpawng rilru huai leh basa ngam ringawt a ni lo, a tir atanga tih fuh loh laklawh chuan engmah lohah kan chhuah dzr thei. Chumi atan chuan mit a pawimawh hle niin relatonship lama mithiamte chuan an sawi.
Tu emaw bem i tum a nih chuan inchei nalh leh tawngkam thiam mai piah lama hmanraw tha lutuk chu i mit kha a ni. Eye contact hman dik chuan engamah hmain 50% i hlawhtling tawh nghal pang niin an sawi.
Chuvangin, i mit kha a pawimawh tih hria a, men dan awmze nei i hmanthiam chuan i chhas bem turah a chanve zet chu i zo nghal thei dawn a ni.
I tih tur hmasa ber chu, i bem tur chu a mitah tak i en tur a ni. ‘Confi takin en la, mahse, thlir vung vung kher suh. I melh deuh vung vung chuan a hlauh phah daih thei dawn che a, chuvangin, melh zeuh a, mit lak sawn a, melh leh zeuh thin tur.
Relationship lama mithiam te chuan second 3 aia rei melh loh tur niin an sawi a. In mit a intawng deuh sak sak fo a nih chuan ‘permission’ i hmu taah inngai la, inhmelhriat tir pahin i be pawp thei tawh ang.
Tunah chuan in inbe pawp ta bawk a, a step hnihna i thleng ta. Hetah hi chuan tlema melh rei deuh pawh a pawi tawh lo. A thil sawi laiin a mit lo en reng la, in mit chu second 5 vel tal i tawng tura i chet tum tawh tur a ni.
A tawnglaia a mitah tak i lo en khan a thusawi i ngaithla tihna a ni a, amah i care tihna a ni nghal bawk a, chu chuan amahah pawimawh riaua inhriatna a neih tir anga, nang pawh a ti lang tha sawt thei dawn che niin an sawi.
Mithiamte chuan, hmeichhe tan mit chei thiam a pawimawh hle niin an sawi a, mit meng ti lang lian thei zawng mit chei thiam chu mi hipna tha tak niin an sawi.
Hei bakah hian mitkhap dan awmze nei tak hi a zira zir thiam theih niin an sawi a, mit leh mit a intawn laia mit khap dan awmze nei tak chu hmanraw tha tak niin an sawi bawk.