Congress-in State pali tal lak inring

Senior Congress leader Sachin Pilot chuan state assembly inthlanah state pali tal a tlem berah chakna an chang dawn tia sawiin chu chu kum 2024 Lok Sabha inthlan boruak siam tur a ni tiin a sawi.
Hei bakah hian INDIA bloc chhungah sawi neuh neuh awm anga sawi chu hnawl bawkin Lok Sabha inthlan hunah alliance partners te chuan seat insemah harsatna an nei dawn lo a ti bawk a. INIDA bloc in a tum ber chu kum 2024 inthlanpui neih huna BJP te paihthlak a ni tiin a sawi a, nihna leh dinhmun insem dan tur te chu inthlan zawh hnuah chinfel a ni ang tiin a sawi.
Rajasthan, Madhya Pradesh, Chhattisgarh, Telangana leh Mizoram inthlanah Congress dihmun tur an zawhnaah Pilot chuan state paliah tal chakna changin sorkar kan siam ang a ti bawk a.
“Mipui ten BJP-ah rinna an nghat ngam lo. State panga inthlangah hian paliah tal Congress-in sorkar a siam ngei ang a, Congress lam hawiin thli a tleh mek a ni,” tiin Congress leader chuan a sawi bawk.
“Congress hi party upa a ni a, mi leh sa kan ngah a, worker tam tak ram pumah kan nei a, kan Tangrual dawn a ni. Mimal sawi bik kan nei lo va, kan ngaihven ber chu mipuite kaihhnawih vek a ni,” tiin Sachin Pilot chuana sawi bawk a.
Indian National Developmental Inclusive Alliance (INDIA) bloc pawhin inthlan zawhah chauh prime minster tur an tichiang ang a ti bawk a. “Mi pahnih khat project neih bik kan duh lo, Tanrualna zawk a ni. Tute pawh an pawimawhna a intluktlang vek a. Democracy-ah chuan tamin awmzia a nei thei a, kan tan chuan A B emaw C emaw a pawimawh lo, lungruala kan campaign a ngai a ni,” tiin a sawi bawk.