Alessandra Hayden chuan chawl lovin darkar 34 leh minute 7 chhung la a phiar char char a, Guinness World Record-in khawvela laphiar rei berah an puang.
He Washington nu hi Gig Harbor a cheng niin, “Record siam ve hrim hrim ka chak a, mahse, record siam pawha ka tana thil tangkai leh awmze ni tho si ka ngaihtuah a, hei hi a lo tihchi khawp mai. Laphiar lama record awm te ka en a, hei hi ka tih ve theih ngei ringin ka bei ta a ni,” a ti.
Hayden chuan record siam tura a beih chhungin a chhung ten an support tha niin a sawi a, “Nilengin ka fanuin ei leh in tur min buaipui a, min barh bawk a, in tur pawh straw hmangin min tulh char char a, ka pasalin thil tul dang zawng zawng a lo buaipui bawk,” a ti.
Hayden hian record siam nan hianblanket a phiar a, laphiar chu a fanu te school-ah an lilam a, a thianten dollar 2,000-in an lei a, Hayden-i hnenah an pe kir leh a ni.
La phiar rei
Get real time updates directly on you device, subscribe now.
Prev Post