Hmeichhia-in a en mai che a a hriat nghal te

Hmeichhia-in a en mai che khan thil hriat nghal a nei thin niin an sawi a, chumi behchhan chuan nangmah a ngaihdan che kha a siam fel nghal mai thin. ‘Looks: Why They Matter More Than You Ever Imagined’ tih ziaktu Dr Gordon Patzer chuan, “Hmeichhia ten mipa an hmuh hian a lan dan atangin thutlukna siam nghal an nei a- a san zawng, a thau zawng, a pianzia, a hmeltha em, tihah te thutlukna an siam nghal thuai thin,” a ti.
Tichuan, hmeichhiain a vawi khat hmuhnaah che khan a duh zawng i nih leh nih loh a chiang nghal a, i tan a thinlung kawngka a hawn leh hawn loh pawh a vawikhat hmuhnaah che khan a innghat thui nghal hle a ni.
Hmeichhia ten an vawikhat hmuhnaa an hriat nghal te chu:
1. Pianzia: I san zawng, i thau leh thau loh te. Chung zawng zawng chu a hmu nghal vek. Sang lutuk emaw, tawi lutuk emaw, thau lutuk emaw cher lutuk emaw ni a a ngaihte chu a engamah hmain a mitah chuan an tla nghal tap a ni mai. Mahse, san zawng leh thau leh thau loh te hi chu hmeichhiain ama nihna zawlpui atangin a teh ber.
2. Landan leh hmelthatna: Landan leh hmelthatna tih hian i hmai fang ringawt kha a ni lo, i sam te, i thawmhnaw inbel te, in intihfai leh fai loh te thlengin a tel vak. Chung chu hmeichhia chuan a hmuh mai che khan a hre nghal ang.
3. Nuih: I pianzia leh landan leh hmelthat dan te a teh ruk neuh neuh hnuah i nui mawi em tih te a melh leh ang. In intawn atanga reiloteah i nui nghal sak thei a nih chuan hmeichhia chuan i haw lo tih a hrethiam nghal ang. Mahse, engamah hmain nui thler nghal duai duai suh, i ha a bal em, tih te pawh chiang hmasa rawh. Ha hmaia panhnah kai va chunga nuih sak te chu i tla nghal tap a ni mai.
4. Fiamthu: Fiamthu i thiam em, hmeichhe tih nuih har har theihna tur fiamthu tha pahnih khat chu pai ve reng rawh. Hmeichhia ten anmahni tinui thei mipa an ngaina. Chutiang mi chu i ni em, tihte pawh a vawikhat hmuhnaah che khan a ngaihtuah nghal.
5. Mahni inrintawkna: Mipa, mahni inringtawk tak hi hmeichhia ten an hmu hmeltha duh. In intawn atanga minute reiloteah hmeichhia chuan mahni inringtawk mi i ni em tih te a lo chhut neuh neuh dawn. Mahni inringtawk tih hian midang hnuaichhiah leh chapo deuha awm tihna lam a ni lo.