SC in Delhi leh Punjab-a AAP sorkar hau

Supreme Court chuan Punjab Delhi sorkar te chu a hrawkna hle a, court chuan kumtina thlasik laia boruak thianghlim lo leh hlauhawm zetin national capital a tuam chungchanga petition thahnem tak lut a ngaihtuah mek a.
Justices SK Kaul leh S Dhulia te chuan Aam Aadmi Party rorelna State pahnih te chu agricultural waste te hal avanga Delhi boruak chhe lutuk titawp tura hmala turin a ti a.
“Tun hi kum ruk chhunga November boruak chhiat ber a ni. A chhan leh vang hriat a ni a, thunun in hna a ni” tiin State pahnih AAP te rorelna leh thenawm BJP te rorelna Uttar Pradesh te chu a hrilh a.
Court chuan Delhi sorkar chu Delhi-Meerut RRTS (regional rapid transport system) tihkhawtlai avanga hau bawkin AAP tena ads atana an sum tur an dah atanga fund tehchhuak turin a ti bawk a.
“Kan thupek in zawm lo tlat a. Kawngh dang kan nei tawh lo. Ngaiah min nei suh u” tiin court chuan a khak hial a ni.
July thla khan court chuan Delhi sorkar chu vehicular traffic tihziaawmna tur Delhi leh thenawm state te thlunzawmna tur rail network siaman turah sum a thawh ve theihloh thu a sawi avangin a hau hrep tawh a ni.
Delhi sorkar chuan a sum thawh ve tura hisap Rs 415 crore chu a thawh ve theihloh thu a sawi hnuah court chuan kum thum chhunga ads atana a sum dah te sawi turin a tizui ta a ni.
“Delhi sorkar in RRTS atabna a sum thawh tur karkhat chhunga a pe lo a nih chuan a ‘advertisement allocations’ atanga pek tur a ni ang” tiin court chuan AAP sorkar chu a vau zui nghhal a ni.
Court chuan Punjab a loneitute erawh hriatthiamna neiin agriculture crop waste te hal chungchanga nasa taka zima ana wm chu hria in, “Loneitute vanduaiah an tang a, ngaihsak a hlawh lo va, loneihna hnawmhnawk te a hal chhan a awm thei a ni” a ti thung.
Tun hi Supreme Court in air quality crisis a kawhrawn leh demrawna awm loneitute tan zawnga a sawi tum khatna a ni lo va, hearing dangah pawh an aiawh an awm ve ngai lo a lo ti tawh.
Court chuan Punjab sorkar chu loneitu tena an lo te an hal loh nana incentive a pek ang chu ngaihven turina ti bawk a. “Incentive loneitute hnena pek chungchangah Harayana tihdan zir se la” a ti bawk.
“Kan harsatna chu lohal tute ber chu hetah an lo kal ve lo va, aiawh an nei ve lo. Ram zau tak nei te pawh court ah an lokal ve dawn lo, anni chuan khawl hmanga him taka farm waste te tihral theihna an nei tlat a ni” tiin Court chuan a sawi bawk a.
“Lohaltute hi ram tenau nei mite chauh an ni a. Loneitu rethei te an ni a, State sorkar in khawl 100 per cent in a leisak mai tur a ni a, State mawhphurhna a ni” tiin court chuan Punjab a hrilh a. “Sorkar chuan an thlaithar te laksakin a hralh thei bawk” a ti zui bawk.
Kum tinin Delhi leh a chhehvela thlasik boruak a chhe thei hle a, mihring tana hlauhawm khawpa boruak chhia awm reng niin chuvang chuan school leh college te pawh khar hun aia hmaah kharin a awm thin a ni. Boruak chhe lutuk avangin mi tam takin harsatna an tawh phah bawk a. Delhi Air Quality hi tehna siama a hlauhawm chinah a awm reng a ni.
Delhi boruak chhiat chhan hi tam tak awmin lohal te, bakah Diwali laia halpuah hal te, vehicular traffic te bakah construction activity te vang te pawh a ni.
Thawhtan khan Punjab ah chuan lo 634 halin a awm a, loneitute chuan an thlai lak tawhna te chu thlai thar chin leh vat duhin an hal vat mai zel a ni. Lo hal chu thlasik laia Delhi khawpui boruak tihlawhhlawh zual tu bera ngaih a ni bawk.