Barcelona-in tlawm pumpelh hram

Rayo Vallecano khel-mual first half minute 39-a an siphurh chu Catalan team-in second half tawp hnaih lam thlengin an sut thei mai lo a, tlawm thei mai dawna an lan hnu minute riat chiah awm tawhah Florian Lejeune chuan Robert Lewan-dowski nawrnaavangin an lam goal-ah a tilut palh a, he own goal hmang hian Barcelona chuan away-ah 1-1 draw hlawh-chhuak hramin, La Liga table-a top three dinhmun an hum zo lo a, khelh 14-a point 31 hmuin table-ah palina an luah.
Nou Camp club hian tun season league match bikah chawlhlawk thlenga si phur zawk an nih laia tlawm zui tak an la nei lo tluang ta zel a; chutih kawngah chuan vawihnih chakin, draw vawithum an nei.
Rayo Vallecano hmahruaina goal kha Unai Lopez-a goal niin, first half-ah an siphurh sut hman lo mah se na lehzualin mikhual team-in second half an thunun a, an siphurh sut theihna hun tha an bawhpelh nual bawk.
Nizan result tarlan hman lohah table-a pahnihna luahtu Real Madrid-in Cadiz an hmachhawn a; beisei loh taka hmahruaitu ni rei tawh tak Girona pawhin Athletic Bilbao an mikhual ve bawk.
Tunhnai international break hma chiaha an game hnuhnungberah si phur hmasa chung bawkin Barcelona-in Alaves an hneh a, kha match-a luh hmasak chang player paruk ngawt khan Vallecano game-ah first eleven an chang lo a, goalkeeper Marc-Andre ter Stegen chu hliam avangin a khel lo bawk.
Barca first choice keeper Ter Stegen thlaktu Inaki Pena kha a nghet churh lo deuh a, first half laihawlah Lopez-a ke dinglam atanga chhuak ball hriam zetin a pel ta chiah reng a ni.
A naute khelh dana ngaih tha tawk lo boss Xavi turned chuan Man-chester City captain hlui Ilkay Gundogan chu bench atangin a kolut a, tarlan tawh angin, mikhual team-in second half an thunun.
Chawlhlawk hnuah Barca lamin shot vawi 10 ngawt nei mah se goal-ah an chantir zo lo a; shot vawithum nei ve Rayo pawhin an khungbelh zawh loh laiin an goalkeeper talbuaiin an lam goal-ah a tilut palh a, an kawtkaiah point hnih hlu zet an hloh phah.