Graham Morgan, kum 60, chuan darkar 24 chhungin chin-ups vawi 7,481 ti theiin, Guinness World Records a siam a, a record siam pah hian ‘Save the Children’ pualin dollar 8,710 a tuak ngah nghal. Chin-ups chu exercise lak dan hahthlak tak mai a ni a, chunglama bar khamah uaiin, an keiin lei a si tur a ni lo va, bar kham chunglamah an khabe an hlan chhuah a ngai a, chumi hnuah an ban timar an uaithla leh a, chutah an kiuah ban tithlepa inpawt chhoin an khabe an hlang chhuak leh thin. Hetiang hian an tinawn char char mai a ni.
-- Advertisement --
Morgan chuan hetiang kumah tawh record siam tuma a beihna chhan sawiin, “Kum 60 ka tlinin eng emaw, ka inchophurna tur ka ngaihtuah a, kum 60-ah pawh thil kan la ti thei langtirna turin ka ti a, hetiang kumah pawh chawlh zai rel mai loh tur tih ka lantir duh a ni,” a ti.