Myanmar atangin raltlan mi 400 chuang

Tun hnaiah Siaha district-ah Myanmar atanga
raltlan an pung a, mi 400 chuang an lut thar.
Siaha district zawn Myanmar lamah Lailenpi a awm a, he khua hi Mara khua, in 400 vel khua an ni. Kar hmasa Ningani leh Zirtawpni khan Myanmar sipaite leh sipai sorkar paih tumtute nasa takin an inkap a, Lailenpi vel atang hian mipui an tlanchhe ta a ni.
Raltlante hi M|P-in an lo dawngsawng a, M|P hruaitute chuan Thawhlehni thleng khan chhinchhiah theih chinah raltlan lut thar hi mi 410 an ni tih an sawi.
Siaha district-a khaw pathum, Laki, Zyhno leh Chapi-ahte an lut tlangpui a, Laki-ah mi 250 chuang, Zyhno-ah mi 150 chuang, Chapi-ah mi 70 chuang an lut tawh nia hriat a ni.
Heng khaw pathumah hian raltlan an lo awm sa a, raltlante awmna camp-ah raltlan tharte hi an awm nghal.
Lailenpi hi Mizoram hnaiha awm a ni a, Mizoram khuate nen motor-a inkalpawh theih, khaw thenkhat nen phei chuan ke-a inkalpawh theihna khua a ni. Lailenpi vela tun hnaia an inkap hi, Myanmar sipaite hian indo thlawhna leh bomb te an hmang a, raltlan lut tharte pawh hi a tam ber chu Lailenpi khaw mi nia hriat an ni.
M|P leh MChP te’n raltlan tanpuina tur hi an ngaihtuah a, eitur leh thawmhnaw te an khawn mek.
Thu dawn danin, raltlan hi pung tura ngaih a ni a, Lailenpi lamah hian an inkap zui rih lo na a, mipuiin an inkah leh an rin avangin an sahimna zawnga an tlanchhiat leh a rinawm.