Mizoram Winter Ranking Table Tennis Championship

Mizoram Winter Ranking Table Tennis Championship
Thla hlui liamta No-vember ni 30 atanga December ni 2, 2023 thleng awh Mizoram Winter Ranking Table Tennis Championship 2023 chu Inrinni khan Mizoram Table Tennis Hall, Mission Vengah khelh zawh a ni.
Kum 2023-2024 season chhunga Mizoram Table Tennis Association buat-saih tournament tum thumna Mizoram Winter Ranking Table Tennis Championship-ah hian category 18 (Hopes Boys & Girls under 11, Cadet Boys & Girls under 13, Sub-Junior Boys & Girls under 15, Junior Boys & Girls under 17, Youth Boys & Girls under 19, Men’s Singles, Women’s Singles, Men’s & Women’s Above 30, Mens Above 50, Womens Above 40 leh Men’s & Women’s Team)-ah inelna buatsaih a ni.
He table tennis tournament lianah hian Aizawl pawn atangin district pali (Hnahthial, Kolasib, Lunglei leh Serchhip) an tel a, Aizawl North leh South huam chhung atangin club sawmpanga teh meuh an inlan bawk.
Inelna ngaihhlut ber men’s singles final-ah Alberto LR Ruata, Electric Veng TT Club chu John Zamliana, Electric Veng TT Club laka chakin a champion a; women’s singles final-ah Lalthansangi Sailo, Techmaze TT Club a champion ve bawk.
Category pasa-rih zeta gold medal la thei Techmaze Table Tennis Club, Mission Veng chu a pumpuia titha ber niin, overall champion an ni.