Intiam anga thawh theih nan BJP-in duhsakna hlan

Mizorama sawrkarna siam tur ZPM party chu mipui hmaa an intiam ang ngeia hma an lak theih nan duhsakna an hlan tih BJP chuan an sawi.
BJP Mizoram thuchhuak chuan, MLA inthlanpui result puan zawh takah BJP official candidate thlantlin tak, Siaha biala Dr K Beichhua leh Palak biala K Hrahmo te a lawmpui hle a, Mizoram tan leh party tana theihtawp chhuah turin duhsakna a hlan tih a sawi.
Sawrkarna siam tur ZPM party chu a lawmpui a, kalphung thar an intiam ang ngeia mipuiin kan hmuh theih nan hma an lak theih nan duhsakna an hlan tih a sawi. Chutih rualin PM Scheme hrang hrang pawh a nihna ang taka hman a nih theih nan hma la turin a ngen tih sawiin, ‘Miretheite tana PM Scheme tam tak Mizorama sawrkar tawhten an pawngsual thin chu siamtha a, a chhawr tur diktak ten an chhawr theih nan hma la turin kan ngen a, Mizoram mipui rawngbawl hna tluang taka thawk turin duhsakna kan hlan a ni,’ BJP hian a ti