December 11-ah Article 370 chungchang

Chief Justice of India D.Y. Chandrachud kaihhruai Constitution bench chuan December 11 ah Jammu and Kashmir special privilege pekna Article 370 nuaibo khinna a thuremna a tichhuak dawn.
He case hi September 5 khan ngaihtuah zawhin a awm tawh a ni a. Hearing neihnaah petitioner leh sorkar chuan Jammu and Kashmir State nihna hlih chungchangah an ngaihdan sawi ve vein ni 16 lai hun a awh a.
Sorkar chuan Article 370 nuai bo chu Union of India-a Jammu and Kashmir a luhfel vek theih nan tihmakmawh a ti a. Sorkar chuan Kashmir Valley chu August 2019 a Article 370 nuaibo a nih hnu kum li leh a chanve chhungin hman a sawn takzet a ti bawk a. Jammu and Kashmir-ah pawh inthlan a hnai a, boruak leh dinhmun a \hat veleh State pangngaiah hlankai leh a ni ang a ti bawk.
Centre chuan Jammu and Kashmir chu ‘thil loh theihlohna avangin’ Union territory-a dah a ni a ti a. Firfiakna, lut ru, lunga invawm leh security personnel te hliam tawrhna chu 45.2%, 90.2%, 97.2% leh 65.9% in kum 2019 a Article 370 nuaibo a nih hnuah a tlahniam tiin a sawi bawk.
Petitioner te thung chuan Union government chuan Parliament a majority an nihna chu uchuak taka hmangin President kaltlanga executive order siamin State ni reng chu Jammu and Kashmir leh Ladakh ah union territory-in a \henhrang a ni an ti a. Chu chu federalism beihna leh Constitution dik lo taka hmanna tiin an sawi thung a.
Petitioner te chuan Article 370 chuan kum 1957-a Jammu and Kashmir Constituent Assembly \hiah a niha State Constitution duan a nih khan permanent character a nei nghal an ti bawk a. Senior counsel Kapil Sibal chuan Article 368 (Constitution amend tura Parliament thuneihna) chu Article 370-ah hman a ni ve lo a ti bawk.
Constitution Bench, Justices S.K. Kaul, Sanjiv Khanna, B.R. Gavai leh Surya Kant te telna chuan Article 370 nuaibo a nihna chhan thil hrang hrangte chu an thlurbing tur thu an sawi a.
Bench chuan thil thleng hrang hrang November 21, 2018 a Section 53(2) of the Jammu and Kashmir Constitution hmanga Jammu and Kashmir State legislative Assembly a \hiahna chhan te chu a enfiah a ni.
A hnu lawkah December 19, 2018 khan Article 365 hnuaiah President’s rule puan a ni a. Parliament pawhin January 3, 2019 ah president thupuan chu a pawm zui a. July 3, 2019 a\angin President’s rule chu thlaruk atan pawhsei a ni leh zui a ni.
August 5, 2019 khan President chuan Constitution (Application to Jammu and Kashmir) Order tichhuakin chutah chuan Article 367(4), in the Indian Constitution hnuaiah provision thar a belh a. Chu chuan ‘Constituent Assembly of the State’ tih chu ‘Legislative Assembly of the State’ tiina thlak zui a ni.
He mi ni vek hian Parliament chuan Article 370 chu nuaiboin Bill thar State of Jammu and Kashmir siamremna tur chu a pawm nghal a. A tukah President chuan Article 370 chu nuai bo a nih tak thu a puang zui bawk a ni.